ނުކުޅެދުންތެރިކަން ހުންނަ ފިރިހެން ކުއްޖަކަށް ޖިންސީ ގޯނާކުރި މައްްސަލައެއްގައި ދެކުނުގެ އަތޮޅަކުން ހައްޔަރުކުރި މީހާގެ މައްޗަށް ދައުވާކޮށްފި އެވެ.
އެގޮތުން ޕްރޮސެކިއުޓަރު ޖެނެރަލްގެ އޮފީހުން މިމައްސަލައިިގައި ދައުވާ އުފުލި މީހާ އަކީ ހަމައެއަތޮޅުން އަބްދުﷲ ވަހީދު މޫސާ ނަމަކަށް ކިޔާ އުމުރުން 57 އަހަރުގެ މީހެކެވެ. އޭނާ ހައްޔަރުކޮށްފައިވަނީ މިދިޔަ ހަފްތާގައެވެ.
Advertisement
އުމުރުން 14 އަހަރުގެ ފިރިހެން ކުއްޖަކަށް މި މީހާ ޖިންސީ ގޯނާކުރިކަމުގެ މައްސަލައެއް ފެންމަތިވީ މި އަހަރުގެ އެޕްރީލް 14 ގަ އެވެ.
އެ މައްސަލައާ ގުޅިގެން ފިރިހެން މީހާ ކޯޓު އަމުރެއްގެ ދަށުން ހައްޔަރުކުރީ ސެޕްޓެމްބަރު މަހުގެ ކުރީކޮޅެވެ. ވަހީދުގެ މައްޗަށް ދައުވާކުރި އިރު، ޝަރީއަތް ނިމެންދެން އޭނާ މިހާރު ހުރީ ބަންދުކޮށްފަ އެވެ.