ކައުންސިލަރުންގެ އަދަދު މަދުކުރުމާ ގުޅޭގޮތުން މެމްބަރުންގެ ހިޔާލު ހޯދަން ރައްޔިތުންގެ މަޖިލީހަށް ހުށަހެޅުއްވި ގަރާރު މިއަދު ބަލައިގެންފި އެވެ.
އެ ގަރާރު މަޖިލީހަށް ހުށަހަޅާފައި ވަނީ ޕީއެންސީއަށް ނިސްބަތްވާ ބާރަށު ދާއިރާގެ މެމްބަރު އިބްރާހިމް ޝުޖާއު އެވެ.
Advertisement
އެގޮތުން މިއަދު ނެގި ވޯޓުގައި އެ ގަރާރާ އެއްކޮޅަށް 52 މެންބަރަކު ވޯޓު ދެއްވި އިރު ގަރާރު ބަލައި ނުގަތުމަށް ވޯޓު ދެއްވީ 11 މެންބަރެކެވެ.
އެއާއެކު އެ ގަރާރު ބަލައިގަނެ، ކޮމިޓީއަށް ފޮނުވަން ވަނީ ނިންމާފައެވެ.
އެ ގަރާރުގައި ވާގޮތުން ކައުންސިލްތަކަށް ބޮޑު ހަރަދެއް ކުރަން ޖެހޭއިރު ކައުންސިލްތަކުން އެންމެ އެކަށީގެންވާ ނަތީޖާ ނުނެރެވޭ ކަމަށް ފާހަގަކޮށް ވަނީ ކަންބޮޑުވުން ފާޅުކޮށްފައެވެ.
މީގެ އިތުރުން ފުލްޓައިމްކޮށް ފަސް ކައުންސިލަރުން ތިބެން ޖެހޭތޯ އެ ގަރާރުގައި ވަނީ ސުވާލު އުފައްދާފައެވެ.