ރ. މާކުރަތުގައި 36 ބައިވެރިންނާއެކު ހައިޑްރޮޕޯނިކްސްގެ ތަމްރީން ޕްރޮގްރާމެއް ކުރިއަށް ގެންގޮސްފިއެވެ.
އެގްރިކަލްޗަރ މިނިސްޓްރީން ބުނީ މި ޕްރޮގްރާމް ކުރިއަށް ގެންގޮސްފައި ވަނީ މާކުރަތުގެ ދަނޑުވެރިންނާއި ސްކޫލްގެ ސާނަވީ ކުދިންނަށް އަމާޒުކޮށްގެން މި މަހުގެ 12 އިން 23 ހަމައަށް ކަމަށެވެ.
Advertisement
އަދި މި ތަމްރީންތަކުގައި ޖުމްލަ 36 ފަރާތަކުން ބައިވެރިވެ، ތަމްރީންތައް ފުރިހަމަ ކޮށްފައިވާ ކަމަށް އެ މިނިސްޓްރީން ހާމަކުރެއެވެ.
ރާއްޖޭގައި ދަނޑުވެރިކަމުގެ ސިނާއަތް ކުރިއެރުވުމަށްޓަކައި ޒަމާނީ ވަސީލަތްތަކާއި އެކު ދަނޑުވެރިކަން ކުރާނެ ގޮތުގެ ތަމްރީންތައް އެގްރިކަލްޗަރ މިނިސްޓްރީން ރާއްޖޭގެ އެކި ސަރަހައްދުތަކުގައި އަންނަނީ ހިންގަމުންނެވެ.