މާލެއިން ފުރައިގެން ހއ.ދިއްދޫއަށް ދަތުރުކުރަމުންދިޔަ ”މެގަ ހޯރަ“ ނަމަކަށް ކިޔާ މުދާ އުފުލާ ބޯޓެއް، ނ.ވަވަތިކުރޮޅިއަށް ފަރަށް އަރައިފިއެވެ.
އެމްއެންޑީއެފް އިން ބުނީ އެ ބޯޓު ފަރަށް އެރުމާ ގުޅިގެން އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑު ފަސްޓް ސްކޮޑްރަންއިން އެ ސަރަހައްދުގައި ހަރަކާތްތެރިވާން ފަށާފައިވާ ކަމަށެވެ.
Advertisement
އެ ބޯޓު ފަރަށް އަރާފައިވަނީ ރޭގެ ވަގުތެއްގައި ކަމަށާއި 98 ފޫޓުގެ އެ ބޯޓުން 61 މީހުން ދަތުރުކުރި ކަމުގައި ވެސް އެމްއެންޑީއެފް އިން ބުންޏެވެ.
އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑު ފަސްޓް ސްކޮޑްރަންގެ ހާބަރކްރާފްޓް ލޯންޗެއް ޑައިވަރުންނާ އެކު އެ ސަރަހައްދުގައި މިވަގުތު ހަރަކާތްތެރިވަމުންދާ އިރު، ކޯސްޓްގާޑް ޝިޕް ޝަހީދު ޢަލީ ވެސް އެ ސަރަހައްދުގައި ހަރަކާތްތެރިވަމުންދާ ކަމުގައި އެމްއެންޑީއެފް އިން ބުންޏެވެ.