ފުވައްމުލައް ސިޓީގައި ޓޫރިސްޓު ހޮޓަލަކާއި އިކޯ ޓޫރިޒަމް މަޝްރޫއެއް ހިންގަން އެމްއޭސީއެލާއި ހަވާލުކޮށްފިއެވެ.
Advertisement
އެ މަސައްކަތް އެމްއޭސީއެލާއި ހަވާލުކޮށްފައި ވަނީ ރައީސް ޑރ. މުހައްމަދު މުއިއްޒު ފުވައްމުލަކަށް މިހާރު ކުރައްވަމުން ގެންދަވާ ދަތުރުފުޅުގައި އެ ރަށުގެ ރައްޔިތުންނާ ބައްދަލުކުރެއްވުމަށް މިރޭ ބޭއްވި ޖަލްސާގަ އެވެ.
އެގޮތުން އެ ޖަލްސާގެ ތެރެެއިން ވަނީ އެމްއޭސީއެލް އާއެކު ޓޫރިޒަމް މިނިސްޓްރީން އެ އެއްބަސްވުމުގައި ސޮއި ކޮށްފައެވެ.
އެމްްއޭސީއެލްގެ ފަރާތުން އެ އެއްބަސްވުމުގައި ސޮއިކުރެއްވީ މެނޭޖިން ޑިރެކްޓަރު އިބްރާހިމް ޝަރީފް މުހައްމަދެވެ. އަދި ޓޫރިޒަމް މިނިސްޓްރީގެ ފަރާތުން އެ އެއްބަސްވުމުގައި ސޮއިކުރެއްވީ ސްޓޭޓް މިނިސްޓަރު ނަޝާތު ރަޝީދެވެ.