ލ. ގަމާއި ފޮނަދޫގައި މި އަހަރުގެ ދުނިޔޭގެ ތިމާވެށީގެ ދުވަސް ފާހަގަކުރުމަށް ޚާއްޞަ ފެސްޓިވަލެއް ބޭއްވުމަށް އެންވަޔަރަންމަންޓް މިނިސްޓްރީން ނިންމައިފިއެވެ.
އެންވަޔަރަންމަންޓް މިނިސްޓްރީން މިއަދު ނެރުނު ނޫސްބަޔާނެއްގައި ބުނީ މި އަހަރުގެ ދުނިޔޭގެ ތިމާވެށީގެ ދުވަހުގެ މުނާސަބަތުގައި ބާއްވާ މި ފެސްޓިވަލް އޮންނާނީ ޖޫން މަހުގެ 26 އިން 29 އަށް ކަމަށެވެ.
އަދި މި ފެސްޓިވަލްގައި ބައިވެރިވުމަށް ޝައުޤުވެރިވާ އެންޖީއޯތަކަށް ދަޢުވަތު ދީފައިވާކަމަށް މިނިސްޓްރީން ހާމަކުރެއެވެ.
މި ފެސްޓިވަލްގައި އެންޖީއޯ ފޯރަމެއްވެސް ހިމެނޭނެކަމަށް އެންވަޔަރަންމަންޓް މިނިސްޓްރީން މަޢުލޫމާތު ދީފައިވެއެވެ.
”މި ފެސްޓިވަލްގައި ބައިވެރިވެ، ތިމާވެށި ރައްކާތެރިކުރުމަށް ކުރެވޭ މަސައްކަތްތަކުގައި ބައިވެރިވުމަކީ ވަރަށް މުހިންމު ކަމެއް. އަޅުގަނޑުމެން އުންމީދުކުރަނީ ގިނަ އެންޖީއޯތަކެއް މި ފެސްޓިވަލްގައި ބައިވެރިވެ، އެމީހުންގެ ޚިޔާލުތަކާއި ތަޖުރިބާތައް ހިއްސާކުރާނެ ކަމަށް،“ މިނިސްޓްރީގެ އިސް އޮފިޝަލެއް ވިދާޅުވިއެވެ.
އެ މިނިސްޓްރީން ބުނީ މި ފެސްޓިވަލްގައި ބައިވެރިވުމަށް ޝައުޤުވެރިވާ ފަރާތްތަކުން އެކްސްޕްރެޝަން އޮފް އިންޓަރެސްޓް ފޯމު ހުށަހަޅަންވާނެ ކަމަށެވެ.
މިގޮތުން އެ ފޯމު ހުށަހެޅުމަށް ޚާއްޞަ ކިއުއާރު ކޯޑެއް މިނިސްޓްރީން މިހާރު ވަނީ ޙިއްޞާކޮށްފައެވެ.