ށ. މިލަންދޫގައި 50 ހައުސިން ޔުނިޓް އިމާރާތްކުރަން އެޗްޑީސީއާ ހަވާލުކޮށްފި އެވެ.
މިލަންދޫގައި 50 ހައުސިން ޔުނިޓް އިމާރާތްކުރަން މިއަދު އެޗްޑީސީއާ ހަވާލުކޮށްފައި ވާއިރު 2022 ގައި އެ ރަށުގައި އަޅަން ފެށި 50 ހައުސިން ޔުނިޓުގެ މަސައްކަތްވެސް ކުރިއަށް އެބަދެއެވެ.
Advertisement
މިއަދު ހަވާލުކުރި 50 ހައުސިން ޔުނިޓުގެ އެއްބަސްވުމުގައި ސޮއިކުރީ ރައީސް ޑރ. މުހައްމަދު މުއިއްޒު ށ. އަތޮޅަށް މިހާރު ކުރައްވަމުން ގެންދަވާ ދަތުރުފުޅުގައި އެ ރަށު ރައްޔިތުންނާ ބައްދަލުކުރެއްވުމަށް ބޭއްވި ޖަލްސާގެ ތެރެއިންނެވެ.
އެ އެއްބަސްވުމުގައި އެޗްޑީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އަލީ ޒުހައިރެވެ. ހައުސިން މިނިސްޓްރީގެ ފަރާތުން ސޮއިކުރެއްވީ އެ މިނިސްޓްރީގެ ސްޓޭޓް މިނިސްޓަރު ހަސަން ރަޝީދެވެ.