ލ. އަތޮޅުގައި އާރުޓީއެލް ފެރީގެ ހިދުމަތް މިއަދު ފަށައިފިއެވެ.
އެ އަތޮޅު ފޮނަދޫގައި އިއްޔެ ބޭއްވި ރަސްމިއްޔާތުގައި، ފެރީގެ ހިދުމަތް ރަސްމީކޮށް ފައްޓަވައިދެއްވީ ޓޫރިޒަމް މިނިސްޓަރު ތޯރިގު އިބްރާހިމެވެ.
Advertisement
ޓްރާންސްޕޯޓު މިނިސްޓްރީން ބުނީ ފެރީ ނިޒާމަށް އާއްމުން ހޭލުންތެރިކުރުވަން މިއަދުން ފެށިގެން އަންނަ އަންގާރަ ދުވަހުގެ ނިޔަލަށް ދަތުރުތައް އޮންނާނީ ހިލޭ ކަމަށެވެ.
އޭގެ ފަހުން، އަންނަ ބުދަ ދުވަހުން ފެށިގެން ދަތުރުތައް އޮންނާނީ ޓިކެޓު ނަގައިގެންނެވެ. އާރުޓީއެލްގެ ވެބްސައިޓާއި މޮބައިލް އެޕްލިކޭޝަން މެދުވެރިކޮށް ފަސޭހަކަމާއެކު ޓިކެޓު ގަނެވޭނެ އެވެ.
އެ މަޝްރޫއުގެ ދަށުން ޒޯން 4 ގެ ފ، ދ. އަދި ތ. އަތޮޅުގައި މިހާރު ވެސް އެ ހިދުމަތް ވަނީ ފަށައިފަ އެވެ. އެއާއެކު، ރާއްޖޭގެ 15 އަތޮޅަށް އާރުޓީއެލް ފެރީގެ ހިދުމަތް ފުޅާވެފައިވާ ކަމަށް މިނިސްޓްރީން ބުންޏެވެ.