ރާއްޖެއަށް އެތެރެކުރަން އުޅުނު ފަސް މިލިއަނަށް ވުރެ ގިނަ ރުފިޔާގެ މަސްތުވާތަކެތި ކަސްޓަމްސް އިން އިއްޔެ އަތުލައިގެންފިއެވެ.
ކަސްޓަމްސް އިން ބުނީ ޕޯސްޓް މެދުވެރިކޮށް ރާއްޖެ އެތެރެކުރަން އުޅެނިކޮށް އަތުލައިގަތް މަސްތުވާތަކެތީގެ ބަރުދަނުގައި 3.5 ކިލޯ ހުރި ކަމަށެވެ.
Advertisement
އެ ތަކެތީގެ މަަގުމަތީއަގު ފަސް މިލިއަން ދިވެހި ރުފިޔާ އަށްވުރެ އިތުރުވާނެ ކަމަށް ވެސް ކަސްޓަމްސް އިން ބުންޏެވެ.
ރާއްޖެއަށް އެތެރެކުރަން އުޅެނިކޮށް މި ފަހަރު އަތުލައިގަތީ ސިންތެޓިކް ކެތިނޯން ކިޔާ ޑްރަގެކެވެ.
މި މައްސަލައާ ގުޅޭ އިތުރު ތަފްސީލެއް ކަސްޓަމްސް އިން އަދި ހާމަނުކުރާތީ މީހަކު ހައްޔަރު ކުރި ކަމެއް ނުވަތަ ނޫން ކަމެއް ސާފެއް ނުވެއެވެ.