ހުޅުމާލޭގެ މުދާ ޖެޓީ ސަރަހައްދުގައި އަޅާފައިވާ އުޅަނދުތައް އެ ސަރަހައްދުން ނެގުމަށް އެޗްޑީސީން އަންގައިފިއެވެ.
އެޗްޑީސީއިން ކުރި އިއުލާނެއްގައި ބުނީ، ހުޅުމާލޭގެ މުދާ ޖެޓީ ސަރަހައްދު ތަރައްގީކުރުމުގެ މަޝްރޫއު ފެށުމަށް ތައްޔާރުވަމުންދާ ކަމަށެވެ.
Advertisement
އެހެންކަމުން އެ މަޝްރޫއުގެ މަސައްކަތް ކުރިއަށްދާ އިރު އެ ސަރަހައްދުގައި އަޅާފައިވާ އުޅަނދުތަކުން ލިބިދާނެ ގެއްލުމަކުން ރައްކާތެރިވުމުގެ ގޮތުން 14 އޭޕްރިލް 2025 ވާ އަންގާރަ ދުވަހުގެ 00:00 ގެ ކުރިން އުޅަނދުތައް ނެގުމަށް އެޗްޑީސީން އަންގާފައިވެއެވެ.
އެޗްޑީސީއިން ބުނީ، އެ މުއްދަތުގައި އެ އުޅަނދުތައް ނަގާފައި ނުވާނަމަ އުޅަނދުތަކަށް ލިބޭ ގެއްލުމުގެ ޒިންމާ އެ ކުންފުނިން ނުނަގާނެ ކަމަށެވެ.