އިންޑިއާގެ ޕަންޖާބް ސްޓޭޓަށް ބޯކޮށް ވާރޭ ވެހި ފެންބޮޑުވުމާއި ގުޅިގެން 354،000 އަށް ވުރެ ގިނަ މީހުން ހާލުގައި ޖެހިއްޖެއެވެ.
ކަމާބެހޭ އިދާރާތަކުން ބުނީ ޕަންޖާބް ސްޓޭޓްގެ ބޯކޮށް ވާރޭ ވެހި، ކޯރުތައް ބައެއް ކޯރުތައް ވެސް ފުރި ބަންޑުންވެފައިވާ އިރު، އެ ސްޓޭޓްގެ 23 ޑިސްޓްރިކްޓެއްގައި ފެންބޮޑުވެފައިވާ ކަމަށެވެ.
މީގެ ސަބަބުން ހާލުގައި ހާލުގައި ޖެހުނު މީހުންގެ އަދަދު 354،000 އިން މައްޗަށް އަރާފައި އިރު، މަރުވި މީހުންގެ އަދަދު ވަނީ 30 އަށް އަރާފައެވެ.
ކަމާބެހޭ އިދާރާތަކުން ބުނިގޮތުގައި، އެންމެ ބޮޑަށް ފެންބޮޑުވެފައިވާ ސަރަހައްދުތަކުންނާއި ބިންތިރި ސަރަހައްދުތަކުން މިހާތަނަށް 20،000 އަށްވުރެ ގިނަ މީހުން ވަނީ ރައްކާތެރި ތަންތަނަށް ބަދަލުކޮށްފައެވެ. އަދި ހާލުގައި ޖެހުނު ރައްޔިތުންނަށް ސަރުކާރުގެ ކަމާބެހޭ އިދާރާތަކުން އަންނަނީ އެކި ގޮތްގޮތުން އެހީތެރިކަން ފޯރުކޮށްދެމުންނެވެ.
ދަނޑުވެރިކަމަކީ ޕަންޖާބުގެ އިޤްތިޞާދުގެ މައިގަނޑު އެއް ތަނބުކަމަށްވާއިރު، ފެންބޮޑުވުމުގެ ސަބަބުން 148،000 ހެކްޓަރުގެ ދަނޑުބިން ވަނީ ހަލާކުވެފައެވެ. މިކަމުގެ ސަބަބުން ދަނޑުވެރިންނަށް ލިބުނު ގެއްލުމުގެ އަގު އަދި ވަޒަންނުކުރެވޭ ކަމަށް ވެސް އިދާރާތަކުން މަޢުލޫމާތު ދެއެވެ.
ޕަންޖާބުގެ ޗީފް މިނިސްޓަރު ބަގްވަންތު މަން ވިދާޅުވީ މިއީ 1998 ގެ ފަހުން އެ ސްޓޭޓަށް ކުރިމަތިވި އެންމެ ގެއްލުން ބޮޑު ފެންބޮޑުވުމުގެ ހާދިސާ ކަމަށެވެ.