ބޮލީވުޑް ބަތޮލާ އަނަންޔާ ޕާންޑޭ، ރާއްޖޭގައި ޗުއްޓީ ހޭދަކުރަމުން އެބަގެންދެއެވެ.
އޭނާގެ އިންސްޓަގްރާމް އެކައުންޓުން ހިއްސާކޮށްފައިވާ ފޮޓޯތަކުން އެނގޭ ގޮތުގައި އޭނާ ޗުއްޓީ ހޭދަކުރަމުން އަންނަނީ ވޯލްޑޯފް އެސްޓޯރިއާ މޯލްޑިވްސް އިތާފުށީގައެވެ.
ޗަންކީ ޕާންޑޭގެ ދަރިކަމުގައިވާ އަނަންޔާ، ބޮލީވުޑްގެ ފިލްމީ ދުނިޔެއަށް ނުކުތީ 2019 ވަނަ އަހަރުއެވެ. އޭނާގެ ފުރަތަމަ ފިލްމަކީ ”ސްޓޫޑަންޓް އޮފް ދަ އިޔަރ 2“ އެވެ. މި ފިލްމުން އޭނާއަށް ވަރަށް ބޮޑު ކާމިޔާބީއެއް ލިބުނެވެ.
މިހާތަނަށް އަނަންޔާ ވަނީ 12 ފިލްމެއްގައި މަސައްކަތްކޮށްފައެވެ. އޭނާ އެންމެ ފަހުން ފެނިގެން ދިޔައީ ”ކޭސަރީ ޗެޕްޓަރ 2“ އިންނެވެ. އަދި 2024 ވަނަ އަހަރަށް އިތުރު ދެ ފިލްމެއްގައި މަސައްކަތްކުރުމަށް ވަނީ އެއްބަސްވެފައެވެ. އެއީ ”ތޫ މޭރީ މޭ ތޭރާ، މޭ ތޭރާ ތޫ މޭރީ“ އާއި ”ޗާންދު މޭރާ ދިލް“ އެވެ.
އުމުރުން 26 އަހަރުގެ އަނަންޔާ، މިވަގުތު ރާއްޖޭގެ ޗުއްޓީގައި އުޅެނީ އެކަނިތޯ ނުވަތަ އެހެން ބައެއްގެ އެކުގައިތޯ އަދި ސާފެއް ނޫނެވެ. ނަމަވެސް މައުލޫމާތު ލިބޭގޮތުގައި އޭނާ މިވަގުތު ހުރީ ހުސްކޮށެވެ.
އަނަންޔާ ޕާންޑޭއަކީ ބޮލީވުޑްގެ އާ ޖީލުގެ ކާމިޔާބު އެއް ތަރިއެވެ. އޭނާގެ ކުޅުމާއި ހުނަރުވެރިކަމަށް ގިނަ ބަޔަކު ތަޢުރީފުކުރެއެވެ.
އަދި އޭނާގެ ފޭސްބުކް އަދި އިންސްޓަގްރާމް ފަދަ ޕްލެޓްފޯމް ތަކުގައި ވަރަށް ގިނަ ފޮލޯވަރުން ތިބިކަން ފާހަގަކުރެވެއެވެ.