ރާއްޖޭގެ އެކި ހިސާބުތަކަށް ކުރިއަށް އޮތް ތިން ދުވަހުވެސް ބޯކޮށް ވާރޭ ވެހޭނެ ކަމަށް މޫސުމާބެހޭ ޤައުމީ އިދާރާ (މެޓް އޮފީހުން) މިއަދު ބުނެފިއެވެ.
މިދިޔަ މަހުގެ ފަހުކޮޅުން ފެށިގެން، ރާއްޖޭގެ އެކި ހިސާބުތަކަށް ވަރަށް ހޫނު ގަދަވިއެވެ.
Advertisement
އެގޮތުން ބައެއް ސަރަހައްދުތަކަށް ހޫނުމިން 40 ޑިގްރީއާ ގާތްކޮށް، އާއްމު މިންވަރަށް ވުރެ ބޮޑަށް ހޫނުގަދަވިއެވެ.
ނަމަވެސް ރޭގައި ވައިގަދަވާން ފެށުމަށްފަހު މިއަދު އެކި ހިސާބުތަކަށް ވަނީ ބޯކޮށް ވާރޭ ވެހެން ފަށާފައެވެ.
މެޓް އޮފީހުން ބުނީ ކުރިއަށް އޮތް ތިން ދުވަހު ވެސް ރާއްޖޭގެ އެކި ހިސާބުތަކަށް ބޯކޮށް ވާރޭ ވެހޭނެ ކަމަށާއި ވިލާގަނޑުގައި ކަނޑުތައް ވެސް ގަދަވާނެ ކަމަށެވެ.
ބޯކޮށް ވާރޭވެހުމުގެ އިތުރުން، ގުގުރުމާއި ވިލާގަނޑުގައި 35 މޭލަށް ވައި ޖެހޭނެ ކަމަށް ވެސް މެޓް އޮފީހުން ބުނެފައިވެއެވެ.