ރާއްޖޭގެ މިސްކިތްތަކުގައި ނަމާދުކުރާ އިމާމުންނަށް ހާއްސަ ހެދުމެއް ތައްޔާރު ކުރުމުގެ މަސައްކަތް ކުރަމުން އަންނަ ކަމަށް އިސްލާމިކް މިނިސްޓަރު ޑރ. ޝަހީމް އަލީ ސައީދު މިއަދު ވިދާޅުވެއްޖެއެވެ.
މީޑިއާތަކާއި ހިއްސާ ކުރެއްވި މެސެޖެއްގައި މިނިސްޓަރު ވިދާޅުވީ، ރާއްޖޭގައި އިމާމުވެ ހުކުރު ނަމާދާއި އީދު ނަމާދު އަދި އާންމުކޮށް އިމާމު ކަމުގެ ވަޒީފާ އަދާ ކުރައްވާ އިމާމުން ނަމާދު ކުރާ ގަޑިއަށް ހާއްސަ ހެދުމެއް ތައްޔާރު ކުރުމަށް ނިންމާފައިވާ ކަމަށެވެ.
Advertisement
ތާކިހަލެއް ވެސް ހިމެނޭހެން އެ ހެދުން ފަރުމާ ކުރަން ހުޅުވާލުމަށް މިނިސްޓްރީން ނިންމާފައިވާ ކަމަށް ޝަހީމް ވިދާޅުވި އެވެ.
އިމާމުން ނަމާދު ކުރުމަށް މިހާރު ވަކި ހެދުމެއް ކަނޑައަޅާފައެއް ނޯވެ އެވެ. ނަމަވެސް އީދު ނަމާދާއި ހުކުރު ނަމާދަށް ދާއިރު އިމާމުން، އަރަބިން ބޭނުން ކުރާ ހެދުން ނުވަތަ ޖުއްބާ ލައެވެ.