ޒިއޯން މޮބައިލްސް 4 ފިހާރަ ފަޅާލި މައްސަލައިގައި ހައްޔަރު ކުރި މީހާގެ ވަނަވަރު ފުލުހުން ހާމަކޮށްފިއެވެ.
މިއަދު ފަތިހު 5:35 ހާއިރު އެ ފިހާރަ ފަޅާލައި ވަތްގަނޑުން 1000 ރުފިޔާއާއި ފިހާރައިން ފޯނުތަކެއް ވަގަށް ނަގާފައިވާ ކަމަށް އެ ފިހާރައިން ވަނީ މައުލޫމާތު ދީފައެވެ.
Advertisement
ފުލުހުންގެ މީޑިއާ އޮފިޝަލަކު މީގެ ކުޑައިރުކޮޅެއް ކުރިން ވިދާޅުވީ މި މައްސަލައިގައި ހައްޔަރު ކޮށްފައިވަނީ ހއ.މާރަންދޫ ފިނިރޯޅި / އަޙްމަދު ނިޔާޒް (47އ.) ކަމަށެވެ.
ނިޔާޒް ހައްޔަރުކޮށް އޭނާ ގެންގުޅުނު ދަބަހެއް ބަލައިފާސްކުރިއިރު އެފިހާރައިން އޭނާ ވަގަށް ނެގި ކަމަށް ބެލެވޭ 9 މޮބައިލް ފޯނެއް ފެނިފައިވާ ކަމަށް ވެސް ފުލުހުން ވިދާޅުވެފައިވެއެވެ.
މިމައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.