ސުޕްރީމް ކޯޓުގެ ފަނޑިޔާރުންގެ ބެންޗު ކުޑަކުރުމަށް ރައްޔިތުންގެ މަޖިލީހަށް ހުށަހަޅާފައިވާ ބިލު، މަޖިލިހުން ބަލައިގަންނަން ފާސްކޮށްފިއެވެ.
ސުޕްރީމު ކޯޓުގެ ފަނޑިޔާރުންގެ ބެންޗުން ދެ ފަނޑިޔާރުން މަދުކޮށް، ފަސް ފަނޑިޔާރުންނަށް ހެދުމަށް ރައްޔިތުންގެ މަޖިލިހަށް ހުށަހެޅުއްވީ ހޮޅުދޫ ދާއިރާގެ ޕީއެންސީ މެންބަރު އަބްދުއްސައްތާރު މުހައްމަދު (ސަޓޯ) އެވެ. ނަމަވެސް އޭނާ މި ބިލު ހުށަހެޅުއްވީ އަމިއްލަ ހައިސިއްޔަތުންނެވެ.
Advertisement
މިއަދުގެ މަޖިލިސް ޖަލްސާގައި މި ބިލު ބަލައިގަތުމާމެދު ނެގި ވޯޓުން ފެންނަ ކަމަށް ވޯޓު ދެއްވީ 64 މެންބަރުންނެވެ. ބިލު ބަލައިގަތުމަށް ނުފެންނަ ކަމަށް ވޯޓު ދެއްވީ 12 މެންބަރުންނެވެ.
ބިލު ބަލައިގަތުމަށް ފާސްވުމާއެކު މި ބިލު މިހާރު ވަނީ ދިރާސާ ކުރާ ކޮމިޓީއަށް ފޮނުއްވާފައެވެ.