އިސްރާއީލުގެ މައި އެއާޕޯޓަށް އީރާނުން ވަރުގަދަ މިސައިލް ހަމަލާތަކެއް ދީފިއެވެ.
އިސްރާއީލުގެ މީޑިއާތަކާ ހަވާލާދީ އަލްޖަޒީރާއިން ރިޕޯޓްކޮށްފައިވާ ގޮތުގައި، އީރާނުން ފޮނުވާލި މިސައިލްތައް އަމާޒުވެފައިވަނީ ތެލް އަވީވްގެ ބޭރު ސަރަހައްދުގައި ހުންނަ ބެން ގުރިއަން އެއާޕޯޓަށެވެ.
Advertisement
މިއީ އިސްރާއީލުގެ އެންމެ ބާރުބޮޑު އަދި އެންމެ މުހިންމު ވައިގެ ބަނދަރެވެ.
މި ހަމަލާތަކާ ގުޅިގެން އިސްރާއީލުގެ އަސްކަރިއްޔާއިން މިހާތަނަށް ރަސްމީކޮށް އެއްވެސް ބަހެއް ބުނެފައެއް ނުވެއެވެ.
މިއީ އީރާނުން މި އެއާޕޯޓަށް އަމާޒުކޮށް ހަމަލާދިން ފުރަތަމަ ފަހަރެއް ނޫނެވެ. މީގެ ކުރިންވެސް އީރާނުން ވަނީ އެކި ފަހަރުމަތިން ބެން ގުރިއަން އެއާޕޯޓަށް އަމާޒުކޮށް މިސައިލް ހަމަލާތައް ފޮނުވާލާފައެވެ.