ޗެކްލެޓް ކޭކަކީ ގިނަ މީހުންގެ އެންމެ ފޭވަރިޓެވެ. އެކި ޚަފްލާތަކުގައި ވެސް ފޮނި ކާ އެއްޗަކަށް އާންމުކޮށް ބަހައްޓާފައި ހުންނަ އެކައްޗަކީ ޗޮކްލެޓް ކޭކެވެ.
މިފަހަރު މި ގެނެސްދެނީ، ނުހިފެ ޗޮކްލެޓް ކޭކް ތައްޔާރު ކޮށްލާނެ ފަސޭހަ ގޮތެކެވެ.
ބޭނުންވާނެ ތަކެތި:
° 100ގ އޯރިއޯ ބިސްކޯދު ( ކްރީމް ކޮޅު ނަގާފަ)
° 50ގ ބަޓަރ
° 1 1/2 ޖޯޑު ކިރު
° 1 މޭޒުމަތީ ސަމުސާ ވިޕިން ކްރީމް
° 300ގ ޗޮކްލެޓް
° 100ގ ހަކުރު
° 15ގ ޖެލެޓިން
ތައްޔާރުކުރާނެ ގޮތް:
ފުރަތަމަ ބިސްކޯދު ކޮޅު ބްލެންޑާއިން ހިމުން ކޮށްލާށެވެ. ދެން ބަޓާކޮޅު ދިޔާކޮށްލުމަށްފަހު ބިސްކޯދުކޮޅާ އެއްކޮށްލާ ޓްރޭއެއްގައި ރީތިކޮށް ފަތުރާލާފައި ބަހައްޓާށެވެ.
ކޭކު ތައްޔާރުކުރުމަށް ކިރާއި، ވިޕިން ކްރީމް އަދި ޗޮކްލެޓްކޮޅު އެއްކޮށްލުމަށްފަހު ޗޮކްލެޓްކޮޅު ވިރެންދެން މަޑު ގިނީގައި ހާކާލާށެވެ. ޗޮކްލެޓްކޮޅު އެއްކޮށް ވިރުމުން ޖެލެޓިން ކޮޅު އަޅާ އެއްކޮށްލާށެވެ. އެއަށްފަހު އުދުންމަތިން ބަލާ މިކްޗަރ ޓްރޭތެރެއަށްއަޅާ ހިހޫވުމުން ފްރިޖްގައި 6-12 ގަޑިއިރު ވަންދެން ބެހެއްޓުމަށްފަހު ސާރވް ކުރާށެވެ.