ކުޅުދުއްފުށި ސިޓީ، ފަޅުތެރެއިން ފެނުނު މީހާ ހޮސްޕިޓަލަށް ގެންދިޔައިރުވެސް މަރުވެފައިވާކަމަށް ފުލުހުން ބުނެފި އެވެ.
ފުލުހުން ދެންމެ ބުނީ، ކުޅުދުއްފުށީ އުތުރު ބަނދަރު ފަޅުތެރޭގައި މީހަކު މަރުވެފައި އޮތްކަމަށް މިއަދު ހެނދުނު 08:17 ހާއިރު އެއިދާރާއަށް ރިޕޯޓްކޮށްފައިވާ ކަމަށެވެ.
Advertisement
އަދި އެމީހާ ހޮސްޕިޓަލަށް ގެންދިޔައިރުވެސް ނިޔާވެފައިވާކަމަށް ކުޅުދުއްފުށީ ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުންޏެވެ.
ނިޔާވެފައިވަނީ ކުޅުދުއްފުށި ސިޓީ، ޑެއިޒީ ފެހި، މުހައްމަދު ހަސަން(36) އެވެ.
މި މައްސަލަ ފުލުހުން ދަނީ ތަހްގީގް ކުރަމުންނެވެ.