މާދަމާ ހެނދުނު މާލޭގެ ބައެއް ސަރަހައްދުތަކަކުން އެއް ގަޑިއިރަށް ކަރަންޓު ކެނޑޭނެ ކަމަށް ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ބުނެފިއެވެ.
ސްޓެލްކޯއިން ހާމަކޮށްފައިވާ ގޮތުގައި، ހުޅުމާލެ ދެވަނަ ފިޔަވަހީގައި ޤާއިމުކޮށްފައިވާ 132 ކިލޯވޯލްޓުގެ ހައިވޯލްޓޭޖް ސަބްސްޓޭޝަން އެނަޖައިޒް ކުރުމަށްޓަކައި ކުރަންޖެހޭ މަސައްކަތްތަކާ ގުޅިގެން މާދަމާ ހެނދުނު 6:00 އާއި 8:00 އާ ދެމެދު އެއް ގަޑިއިރަށް މާލޭގެ ބައެއް ހިސާބުތަކުން ކަރަންޓު ކެނޑޭނެއެވެ.
Advertisement
ސްޓެލްކޯއިން އިތުރަށް ފާހަގަކޮށްފައިވާ ގޮތުގައި މާލެ އާއި ހުޅުމާލޭގެ އެހެން ސަރަހައްދުތަކުންވެސް މި ވަގުތު ތެރޭގައި ކަރަންޓު މެދުކެނޑުމަކީ އެކަށީގެންވާ ކަމެކެވެ.
މީގެއިތުރުން، އެކުންފުނިން ވަނީ ކަރަންޓު މެދުކެނޑޭ ވަގުތުގައި ދިމާވެދާނެ އުނދަގޫތަކަށް ރައްޔިތުން ކިބައިން މަޢާފަށް އެދިފައެވެ.