މާލޭގައި ކަތިވަޅިއާއި ކަށިގަނޑު ހިފައިގެން މާރާމާރީ ހިންގަން އުޅުނު ތިން ޒުވާނުން ހައްޔަރުކޮށްފިއެވެ.
މި މައްސަލައާ ގުޅިގެން ކްރިމިނަލް ކޯޓުން މިއަދު ނެރުނު ކޯޓު އަމުރުގައިވާ ގޮތުން، މި ތިން މީހުންގެ ތެރޭގައި ހިމެނެނީ 18 އަހަރުގެ ދެ ފިރިހެނުންނާއި 23 އަހަރުގެ އެއް ފިރިހެނެކެވެ.
ކޯޓު އަމުރުގައި ބަޔާންކޮށްފައިވާ ގޮތުގައި، 18 އަހަރުގެ އެއް ޒުވާނާ ހެލްމެޓާއި މާސްކު އަޅައިގެން ހުއްޓައި ހައްޔަރުކުރެވުނު އިރު، އޭނާގެ އަތުން ކަތިވަޅިއަކާއި ކަށިގަނޑެއް ފެނިފައިވެއެވެ. އަދި 23 އަހަރުގެ މީހާގެ އަތުންވެސް ކަތިވަޅިއަކާއި ޕްލަސް ކަށިގަނޑެއް ފެނުނެވެ.
މި މައްސަލައިގައި ހައްޔަރުކުރެވުނު އަނެއް 18 އަހަރުގެ ޒުވާނާއާ، ކަތިވަޅި ހިފައިގެން އުޅުނު ދެ މީހުންނާ ދެމެދު ގުޅުމެއް އޮތްކަން ނުވަތަ ނޫންކަން ކޯޓު އަމުރުގައި ބަޔާންކޮށްފައިވެއެވެ.
މިމައްސަލައިގައި ހައްޔަރުކޮށްފައިވާ މީހުންގެ ބަންދާއިމެދު ގޮތެއް ކަނޑައަޅައި ކޯޓުން ވަނީ ކަތިވަޅި ހިފައިގެން އުޅުނު 18 އަހަރުގެ ޒުވާނާ 5 ދުވަހަށް ބަންދުގައި ބެހެއްޓުމަށާއި 23 އަހަރުގެ މީހާ 16 ދުވަހަށް ބަންދުގައި ބެހެއްޓުމަށެވެ. އަދި އަނެއް 18 އަހަރުގެ ޒުވާނާ 5 ދުވަހުގެ މުއްދަތައް ބަންދުގައި ބެހެެއްޓުމަށް ވެސް ކޯޓުން ވަނީ އަމުރުކޮށްފައެވެ.
މި ހާދިސާއާ ގުޅިގެން އިތުރު ތަޙުޤީޤުތައް ކުރިއަށްދާކަމަށް ފުލުހުން މަޢުލޫމާތު ދެއެވެ.