މިދުވަސްކޮޅު ރާއްޖެއަށް ކުރަމުންދާ ވިއްސާރައާ ގުޅިގެން، ކަނޑު ގަދަވާނެކަމުގެ އިންޒާރާއެކު ބޮޑު ސަރަހައްދަކަށް ހުދު ސަމާލު ނެރެފިއެވެ.
މޫސުމާބެހޭ ޤައުމީ އިދާރާ (މެޓް އޮފީހުން) ހުދު ސަމާލު ނެރެފައިވަނީ ހއ. އަތޮޅުން ފެށިގެން ތ. އަތޮޅާ ހަމައަށް މިއަދު ހެނދުނު 7:00 އިން މެންދުރު 1:00 އާ ހަމައަށެވެ.
Advertisement
މެޓް އޮފީހުން ބުނެފައިވަނީ އެ ސަރަހައްދުތަކުގައި ހިމެނޭ ރަށްތަކަށް ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހި، ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ލަފާ ކުރެވޭ ކަމަށެވެ. އަދި ކަނޑުތައް ގަދަވާނެ ކަމަށް ވެސް މެޓް އޮފީހުން ވަނީ ލަފާ ކޮށްފައެވެ.
މިހާރު ރާއްޖެއަށް ކުރަމުންްދާ ވިއްސާރަ ކުރިއަށް އޮތް އެއް ދުވަހަށް ދެމިއޮންނާނެ ކަމަށް މެޓް އޮފީހުން ކުރިން ވަނީ ލަފާ ކޮށްފައެވެ