ކެރެޓް ޖޫހަކީ ސިއްހީ ގޮތުން ގިނަގުނަ ފައިދާތަކެއް ހިމެނޭ ބުއިމެއް ކަމުން ސިއްހަތަށް ލޯބިކުރާ މީހުންގެ މެދުގައި މިއީ މަގުބޫލު ބުއިމެކެވެ. ކެރެޓް ޖޫހުގެ އެންމެ ފާހަގަކޮށްލެވޭ އެއް ފައިދާއަކީ ހަށިގަނޑުގައި ވިޓަމިން އޭ އަށް ބަދަލުވާ ބީޓާ ކެރޮޓީން ގިނަވުމެވެ.
މީގެ އިތުރުން ކެރެޓް ޖޫހުގައި ހިމެނޭ އެންޓި އޮކްސިޑެންޓްތަކުގެ ސަބަބުން އޮކްސިޑޭޓިވް ސްޓްރެސްއާ ދެކޮޅަށް މަސައްކަތްކޮށް، ދިގުދެމިގެންދާ ބަލިތަކުގެ ނުރައްކާ ކުޑަކޮށްދެއެވެ.
ކެރެޓް ޖޫހުގެ އަނެއް މުހިންމު ފައިދާއަކީ ހަޖަމު ކުރުމުގެ ސިއްހަތަށް އެހީތެރިވުމެވެ. ޑައިޓޭރިއަން ފައިބަރުން މުއްސަނދި ކެރެޓް ޖޫހަކީ ރަނގަޅަށް ހަޖަމު ކުރުމަށް އެހީތެރިވެދޭ އަދި ގޮހޮރަށް ފައިދާހުރި ބުއިމެކެވެ.
މިގޮތުން ކެރެޓު ޖޫހުގެ ގުދުރަތީ އެންޓި-އިންފްލެމެޓަރީ ޕްރޮޕަޓީތަކުގެ ސަބަބުން ގޭސްޓްރޯއިންޓެސްޓިނަލް ޑިސްކޮމްފޯޓްއަށް ލުއި ލިބި، ހަޖަމު ކުރުމުގެ މައްސަލަތައް ހުންނަ މީހުންނަށް ލުއި ލިބެއެވެ.
ކެރެޓް ޖޫހުން ލިބޭ ހައިޑްރޭޝަނުގެ ސަބަބުން މީހާ ހައިޑްރޭޓްކޮށްދީ ހަކަތައިގެ މިންވަރު ހިފަހައްޓައިދެއެވެ. އަދި ހަށިގަނޑުގެ ފިނިހޫނުމިން ރެގިއުލޭޓް ކުރުމާއި، ގައިގެ ހަންގަނޑު ސާފު ކޮށްދީ އަލިކޮށްދެއެވެ.
ހަމައެހެންމެ ކެރެޓް ޖޫހަކީ ވިޓަމިން ކޭ، ވިޓަމިން ސީ، ޕޮޓޭސިއަމް، އަދި ކެލްސިއަމް ފަދަ ވިޓަމިންސް އާއި މިނަރަލްސް އިން މުއްސަނދިވެފައިވާ ޖޫހެކެވެ.
މި ނިއުޓްރިއެންޓް ޑެންސިޓީއަކީ ކަށީގެ ސިއްހަތު ރަނގަޅުކޮށްދީ، ކާޑިއޯ ވެސްކިއުލަރ ސިސްޓަމް ދުޅަހެޔޮކޮށްދޭ އެއްޗެކެވެ.
މީގެ އިތުރުން ކެރެޓް ޖޫސް ބުއިމުގައި ހިމެނުމުން ބަރުދަން އެއްވަރެއްގައި ހިފެހެއްޓުމަށް އެހީތެރިވެދެއެވެ.