ރާއްޖޭގެ އެންމެ ބޮޑު ޓެލެކޮމިއުނިކޭޝަން ކުންފުނި ދިރާގުން 10،000 ރުފިޔާގެ އަގުހުރި އިނާމަކާއެކު ހާއްސަ ޓިކްޓޮކް ޗެލެންޖެއް ހުޅުވާލައިފިއެވެ.
މި ޗެލެންޖަކީ ދިވެހި ޓިކްޓޮކް ކޮންޓެންޓް ކްރިއޭޓަރުންނަށް އަމާޒުކޮށްގެން ކުރިއަށް ގެންދާ ހާއްސަ މުބާރާތެކެވެ.
Advertisement
މި ޗެލެންޖްގައި ބައިވެރިވުމަށް ޝައުގުވެރިވާ ފަރާތްތަކަށް ފަސޭހައިން ބައިވެރިވެވޭނެ އިންތިޒާމު ދިރާގުން ހަމަޖައްސާފައިވާ ކަމަށް އެ ކުންފުނިން މައުލޫމާތު ދެއެވެ. މި ޗެލެންޖްގައި ބައިވެރިވެ، އެންމެ ގިނަ މަގުބޫލުކަން ހޯދާ ކޮންޓެންޓް ކްރިއޭޓަރަކަށް 10،000 ރުފިޔާގެ ފައިސާގެ އިނާމު ލިބިގެންދާނެއެވެ.
މި ޗެލެންޖްގައި ބައިވެރިވުމަށް ޝައުގުވެރިވާ ފަރާތްތަކަށް ދިރާގުގެ ސޯޝަލް މީޑިއާ ޕްލެޓްފޯމްތަކުން އިތުރު މައުލޫމާތު ލިބިވަޑައިގަންނަވާނެ ކަމަށް ދިރާގުން ބުނެފައިވެއެވެ.