ހއ. ދިއްދޫ އެއާޕޯޓު އެޅުމަށް ބޭނުންވާ ބިން ހިއްކުމުގެ އަމަލީ މަސައްކަތުގެ ތެރެއިން 78 ހެކްޓަރުގެ ބިން މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން މިހާރު ހިއްކައިފިއެވެ.
އެމްއޭސީއެލްއިން ހިންގާ މި މަޝްރޫއުގައި ދިއްދޫ 110 ހެކްޓަރުގެ ބިން ހިއްކުމަށް ހަމަޖެހިފައިވެއެވެ.
Advertisement
މިއީ ދިއްދޫގެ މިހާރުގެ ބިމަށްވުރެ ބޮޑު ސަރަހައްދެކެވެ. އެގޮތުން ހިއްކާ ބިން ބޭނުންކުރާނީ ބޯހިޔާވަހިކަމުގެ މަޝްރޫއު ހިންގުމާއި ދިއްދޫގައި އެއާޕޯޓް އެޅުމަށެވެ.
އެ މަސައްކަތުގެ ފަހުގެ މައުލޫމާތު ހިއްސާ ކުރަމުން އެމްއޭސީއެލްއިން މިއަދު ބުނީ، ދިއްދޫގެ ބިން ހިއްކުމުގެ މަސައްކަތުގެ ތެރެއިން މިހާތަނަށް 78 ހެކްޓަރުގެ ބިން ހިއްކާފައިވާއިރު، އެއީ މި މަޝްރޫއުގެ %70 ކަމަށެވެ.
މި މަޝްރޫއުގެ އަމަލީ މަސައްކަތް ފަށާފައިވަނީ މިދިޔަ ޖެނުއަރީ މަހުގެ 5 ވަނަ ދުވަހުގައެވެ.