ލޯކަލް ގަވަމެންޓް އޮތޯރިޓީ (އެލްޖީއޭ)ގެ ރައީސަކަށް ފިނޭންސް މިނިސްޓަރު މޫސާ ޒަމީރު އައްޔަން ކުރައްވައިފިއެވެ.
އެލްޖީއޭގެ ވެބްސައިޓްގައިވާ ގޮތުން 8 މެމްބަރުންގެ މައްޗަށް އެކުލެވޭ އެލްޖީއޭ ބޯޑުގެ ރައީސަކަށް ޒަމީރު އައްޔަން ކުރެއްވީ މިދިޔަ އަންގާރަ ދުވަހު އެވެ.
Advertisement
އެލްޖީއޭ ދުވަހުން ދުވަހަށް ހިންގުމުގެ ޒިންމާތައް އުފުއްލަވަނީ ސީއީއޯ އެވެ. އަދި ރައީސްގެ މަސްއޫލިއްޔަތަކީ ބޯޑު ބައްދަލުވުންތައް ބޭއްވުމެވެ.
އެ ދެ މަގާމަށް ވެސް ބޭފުޅުން އައްޔަންކުރައްވަނީ ރައީސެވެ.
އެ ބޯޑުގެ ރައީސަކަށް އެންމެ ފަހުން ހުންނެވީ، ލޯކަލް ގަވަމެންޓް މިނިސްޓަރުކަން ކުރެއްވި އާދަމް ޝަރީފް އުމަރެވެ. ނަމަވެސް، މި މަހުގެ 14 ވަނަ ދުވަހު އޭނާ މަގާމުން އިސްތިއުފާ ދެއްވުމާއެކު ރައީސް ޑރ. މުހައްމަދު މުއިއްޒު ވަނީ އެ މިނިސްޓްރީ އުވާލައްވައިފައެވެ.