އިނގިރޭސި ޕްރިމިއާ ލީގުގެ އައު ސީޒަނުގައި ކުޅުނު ފުރަތަމަ މެޗުން، އަށް އަހަރަށް ފަހު ލީގަށް އެނބުރި އައި ހަލް ސިޓީ އަތުން 2-0 އިން މެންޗެސްޓަރ ޔުނައިޓެޑް ބަލިވެއްޖެއެވެ.
ހަލް ސިޓީގެ ދަނޑުގައި ކުޅުނު މި މެޗުގެ ފުރަތަމަ ހާފުގައި އެ ޓީމުން ވަނީ ދެ ލަނޑު ޖަހައި ލީޑު ނަގާފައެވެ.
ފުރަތަމަ ލަނޑު 17 ވަނަ މިނިޓުގައި ސެމީ އަޖާޔީ ކާމިޔާބުކުރިއިރު، ދެވަނަ ލަނޑު 38 ވަނަ މިނިޓުގައި ބޮލުން ގޯލުގެ ތެރެއަށް ވައްދާލައިގެން ޖަހައިދިނީ ނޯބެލް މެންޑީއެވެ.
ދެވަނަ ހާފުގައި މެންޗެސްޓަރ ޔުނައިޓެޑުން ނަތީޖާ ބަދަލުކުރުމަށް ގިނަ މަސައްކަތްތަކެއް ކުރި ނަމަވެސް، ހަލް ސިޓީގެ ކީޕަރު ކޮންސްޓަންޓީނޯސް ޒޮލާކިސް ވަނީ ޔުނައިޓެޑްގެ ހަމަލާތައް ހުޝިޔާރުކަމާއެކު ދިފާއުކޮށްފައެވެ.
ލީގުގައި ދެން އެންމެ އަވަހަށް ކުޅޭ މެޗުގައި ޔުނައިޓެޑް ނުކުންނާނީ އިޕްސިވިޗް ޓައުންއާ ދެކޮޅަށެވެ. އަދި ހަލް ސިޓީ ބައްދަލުކުރާނީ ކޮވެންޓްރީއާ އެވެ.