ގއ. ދާންދޫގެ މަގުމައްޗަށް ނިޔާވެގެން ވެއްޓުފައި އޮތް މީހަކު ފެނިއްޖެއެވެ.
ފުލުހުންގެ މީޑިއާ އޮފިޝަލަކު ވިދާޅުވީ ގއ. ދާންދޫ ފެނަކަ ބްރާންޗު ހުޅަނގު ފަރާތު މަގުމައްޗަށް މީހަކު ވެއްޓިފައި އޮތް ކަމުގެ ރިޕޯޓު މިއަދު ހެނދުނު 8:10 ހާއިރު ލިބިފައިވާ ކަމަށެވެ.
Advertisement
ވެއްޓިފައި އޮތް މީހާ އެރަށު ސިއްހީ މަރުކަޒަށް ގެންދިޔައިރުވެސް ނިޔާވެފައިވާ ކަމަށް އެ މަރުކަޒާ ހަވާލާދީ ފުލުހުން ވިދާޅުވެފައިވެއެވެ.
މިހާދިސާގައި ނިޔާވެފައިވަނީ އެރަށު ނަގަހެލާ އަހުމަދު އަބްދުﷲ (33އ.) އެވެ.
މިމައްސަލަ ފުލުހުން ގެންދަނީ އިތުރަށް ތަހުގީގު ކުރައްވަމުންނެވެ.