ކ. ތިލަފުށިން ފުރައިގެން ދަތުރުކުރި ލޭންޑިން ކްރާފްޓެއް ކ. ގާފަރު ކައިރިއަށް ދިޔަވެ އަޑިއަށް ދިޔުމުގެ ސަބަބުން ދެ މީހަކު ގެެއްލިއްޖެއެވެ.
ފުލުހުން ބުނީ ކ. ތިލަފުށިން ފުރައިގެން ދަތުރުކުރި ލޭންޑިންގ ކްރާފްޓެއް ދިޔަވެ ކ. ގާފަރު ކައިރިއަށް އަޑިއަށްދާކަމުގެ މައުލޫމާތު މިއަދު ހެނދުނު 08:48 ހާއިރު ރިޕޯޓުކޮށްފައިވާ ކަމަށެވެ.
Advertisement
މި ހާދިސާ ހިނގި ވަގުތު އެ އުޅަނދުގައި ޖުމްލަ 10 މީހުން ތިބި ކަމަށާއި އޭގެ ތެރެއިން 8 މީހަކު މިހާތަނަށް ފެނިފައިވާ ކަމަށް ފުލުހުން ބުންޏެވެ. އަދި ގެއްލިފައިވާ ބާކީ ދެ މީހުން ހޯދުމުގެ މަސައްކަތް ކަމާބެހޭ ފަރާތްތަކުން ކުރަމުންދާ ކަމަށް ފުލުހުން ބުންޏެވެ.
މި ދުވަސްވަރަކީ ރާއްޖޭގެ ހުރިހާ ހިސާބަކަށް ވެސް މޫސުން ގޯސް ދުވަސްވަރެއް ކަމަށްވާއިރު، ކަނޑުދަތުރު ކުރުމުގައި މޫސުމަށް ސަމާލުވުމަށް ކަމާބެހޭ ފަރާތްތަކުން ވަނީ އިލްތިމާސްކޮށްފައެވެ.