ފުޅާ ދާއިރާއެއްގައި މަސްތުވާތަކެތި ވިޔަފާރިކުރާ ކަމުގެ ތުހުމަތުގައި ވޮލީ ކުޅުންތެރިޔާ އަހްމަދު ފާޒިލް ހައްޔަރުކޮށްފިއެވެ.
ޤައުމީ ޓީމަށް ވެސް މީގެކުރިން ކުޅުނު އުމުރުން 31 އަހަރުގެ ފާޒިލް ހައްޔަރު ކުރީ މިދިޔަ ބުރާސްފަތި ދުވަހު އެ ރަށުންނެވެ.
Advertisement
ފުލުހުން ބުނީ ޑްރަގް އެންފޯސްމަންޓާއި، ކައުންޓާ ނާކޮޓިކްސް އިންޓެލިޖެންސާއި، ވ. އަތޮޅު ފުލުހުން ގުޅިގެން ހިންގި އޮޕަރޭޝަނެއްގައި ފާޒިލް މަސްތުވާތަކެތި ވިއްކައި ވިޔަފާރިކުރާ ކަމަށް ތުހުމަތުކުރެވޭ ދެ ގެއެއް ބަލައި ފާސްކޮށްފައިވާ ކަމަށެވެ.
އަދި މަސްތުވާތަކެތި ކަމަށް ބެލެވޭ 265.01 ގްރާމުގެ ތަކެތި ފެނިފައިވާ ކަމަށް ވެސް ފުލުހުން ބުންޏެވެ.
މި މައްސަލައާ ގުޅިގެން އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 10 ދުވަހަށް ބަންދުކުރުމަށް ވަނީ އަމުރުކޮށްފަ އެވެ.
1 Comment
މިއޮތީވާ ގައުމެއް. ޒިންމާދާރު ކަންކަމުގަ އުޅޭމީހުންވެސް މަސްތުގެ ތެރެއަށް.